"Ковид-19"-тэй тэмцэх, урьдчилан сэргийлэх Монгол, Хятадын хамтын ажиллагааны механизмын гуравдугаар хуралдааныг зохион байгуулав

Ковид-19-тэй тэмцэх, урьдчилан сэргийлэх Монгол, Хятадын хамтын ажиллагааны механизмын гуравдугаар хуралдааныг 2021 оны 3 дугаар сарын 26-ны өдөр зохион байгуулав. Хуралдаанд монголын талаас ГХЯ-ны Хөрш орнуудын газар захирал Т.Батцэцэг, хятадын талаас ГХЯ-ны Азийн газрын дэд захирал Шюэ Жянь нар ахлан, хоёр улсын зам тээвэр, мэргэжлийн хяналт, гадаадын иргэн, харьяат, гадаадын ажиллах хүч оруулах асуудал хариуцсан байгууллагууд, хоёр улсад суугаа дипломат төлөөлөгчийн газрууд болон зарим орон нутгийн захиргааны төлөөлөл оролцов. 
Талууд тус механизмын хүрээнд тохиролцон хэрэгжүүлж буй хилийн боомтын “Ногоон гарц” түр журмын хэрэгжилтийн явцыг дүгнэж, цар тахлын нөхцөл байдлын улмаас хоёр улсын голлох боомтуудын үйл ажиллагаанд тулгарч буй хүндрэлийг шийдвэрлэх боломжийн талаар ярилцав. Цар тахлын тархалтыг хязгаарлах, урьдчилан сэргийлэхэд чиглэсэн хамтын ажиллагааг эрчимжүүлэхийн зэрэгцээ худалдаа, эдийн засгийн хамтын ажиллагаа, иргэд зорчих, ажиллах хүчин нэвтрүүлэх ажлыг аль болох хэвийн явуулахыг зорьж ажиллахаар тохиролцов. 

Эх сурвалж: http://mfa.gov.mn/59428 

МОНГОЛ УЛСААС БНХАУ-ЫН ШАНХАЙ ХОТОД СУУГАА ЕРӨНХИЙ КОНСУЛЫН ГАЗАР